منتديات كلية الاقتصاد المنزلي
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك

شكرا
إدارة
المنتدي


منتديات كلية الاقتصاد المنزلي جامعة المنوفية
 
الرئيسيةاليوميةس .و .جالتسجيلدخول

شاطر | 
 

 اشهر انواع البيتزا وبالصور

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشق الاقصى
عضو مستجد
عضو مستجد


عدد المساهمات : 27
تاريخ التسجيل : 08/04/2009

مُساهمةموضوع: اشهر انواع البيتزا وبالصور   السبت أبريل 11, 2009 9:57 am

كل أنواع البيتزا هنا يلا أدخلوا

خطيبك جاي لك البيت النهاردة واتفق معاكي إن مفيش خروج النهاردة؛ لأنه آخر الشهر ومفيش فلوس..

وطلب منك تعملي له على الغذاء بيتزا زي اللي بيعزمك عليها برة..
جوزك زهق من المحشي والمكرونة والمسبك والذي منه وقال لك أعملي بيتزا

طبعا إنت قُلتِ: حاضر وقاعدة بينك وبين نفسك تقولي هو إيه اللي حصل في
دماغه بيتزا إيه اللي عايزها دي؟ هو أنا بعرف أعمل الأكل العادي لما هاعرف
أعمل بيتزا!!!

وطبعا لو فكرتِ إنك تشتريها من بره هيعرف وأكيد هيزعل؛ لأنك كذبتِ عليه وهيبقى موقف مش لطيف...

يبقى مفيش قُدامك حل غير إنك تتعلميها بنفسك

يلا نعمل البيتزا مع بعض..
هنبتدي بإيه
دلوقتي
احنا دخلنا المطبخ وهنبدأ نجهز طلبات البيتزا وأول حاجة هتجهزيها هي عجينة
البيتزا، لأنها محتاجة وقت علشان العجينة تخمر، وبيني وبينك كده فيه أكتر
من طريقة لعمل عجينة البيتزا يعني فيه ناس بتعملها ب$ ولبن وفيه ناس
بتعملها من غير $ ولا لبن، واحنا هنقولك على الطريقتين واللي يعجبك فيهم
اعمليه..
العجينة على طريقة نابولي

المقادير:
• 3 أكواب دقيق
• 2 ملعقة خميرة بيرة
• 2/1ملعقة صغيرة ملح
• كوب ماء دافئ
• 3معالق كبيرة زيت ذرة
الطريقة:






1- اخلطي كوب ونصف دقيق مع الخميرة والملح وبعد كده ضيفي الميه والزيت،
واضربيهم كلهم بمضرب ال$ الكهربائي على سرعة عالية لمدة 3 دقائق.
2- ضيفي باقي الدقيق إلى الخليط السابق وقلبيه باستخدام ملعقة خشبية.
3- انقلي العجينة على رخامة المطبخ أو على لوح خشبي وابدئي في عجنها بإيدك
لغاية ما تلاقيها بقت طرية ومطاطة وسهلة التشكيل على شكل دوائر كبيرة.
4- انقلي العجينة إلى الطبق البلاستيك أو طبق زجاجي كبير وادهنيها بالزيت
وغطيها بقطعة قماش وسيبيها في مكان دافي لمدة ساعتين علشان تخمر وحجمها
يزيد...
العجينة على طريقة ملاينو


• 2 كوب دقيق
• 2 $ة
• 2 معلقة زبدة
• كوب لبن
• ذرة ملح وفلفل
• 2 معلقة خميرة بيرة
• 2/1معلقة سكر
الطريقة:



بس يا ستي دول كانوا أشهر طريقتين لعمل عجينة البيتزا في إيطاليا وحبيت
أقولهم في الأول لأن زي ما إنت عارفة إن أهم حاجة في البيتزا هي العجينة
وعلى فكرة العجينة دي هتستخدميها في عمل أي نوع إنت عايزاه من أنواع
البيتزا..
وفيه حاجة تانية مهمة لازم تكوني عارفاها علشان هتحتاجيها في عمل كل نوع من أنواع البيتزا وهي..

المقادير:
1- اخلطي الخميرة مع السكر.
2- هاتي طبق زجاج أو بلاستيك كبير وحطي فيه السمنة واضربيها بالمضرب
الكهربائي وبعد كده ضيفي إليها باقي المقادير والخميرة والسكر واضربيهم مع
بعض بالمضرب هتلاقي إن العجينة بقت جامدة شيلي المضرب واعجني العجينة
بإيدك لغاية ما تلاقيها بقت طرية ومطاطة غطيها وسيبيها لمدة 3 ساعات عشان
تخمر.
صلصة البيتزا

المقادير:

• 4 حبات طماطم مقشرة ومقطعة مكعبات صغيرة
• 4 ملاعق كبيرة معجون طماطم
• 2 ملعقة كبيرة زيت ذرة
• 1 ملعقة صغيرة زعتر جاف ومطحون
• 1 ملعقة صغيرة أوريجانو، أو نعناع، جاف ومطحون
• 1 ملعقة كبيرة ملح وفلفل
الطريقة:



بعد ما تلاقيه اتسبّك أو بقى تقيل شيليه من على البوتجاز واستخدميه في عمل البيتزا زي ما قلنا.

1. سخني الزيت في طاسة على نار هادية، وبعد كده ضيفي الطماطم ومعجون
الطماطم والزعتر والأوريجانو أو النعناع و4/3 كوب ماء وسيبي الخليط على
النار لمدة نص ساعة علشان يتسبك...
ودلوقتي هنعرف ازاي تعملي كل نوع بيتزا
بيتزا بالخضروات

المقادير:
• عجينة بيتزا
• 1 حبة فلفل أخضر مقطعة مكعبات أو عيدان
• 2/1 كوب صلصة بيتزا أو "معجون طماطم"
• 2 حبة طماطم مقطعة قطع صغيرة أو حلقات
• بصلة متوسطة الحجم مقطعة حلقات
• 1 كوب عيش الغراب شرائح
• 2 فص ثوم مفروم
• 1 ملعقة صغيرة زعتر
• 2/1 كوب جبنة موتزاريلا مبشورة
• 2/1 ملعقة صغيرة فلفل أسود
• عرقان من الكرفس مقطعان قطعا صغيرة
• زيتون أسود مقطع دوائر
• أوراق ريحان للزينة "حسب الرغبة"
الطريقة:






1- قطعي عجينة البيتزا إلى قطع صغيرة مدوّرة وحطيها على رخامة المطبخ أو
على سطح خشبي مرشوش بالدقيق وابدئي في فردها لتغطي صاج أو صينية البيتزا
وبعد كده حطيها في الصينية اللي هتسويها فيها بس خدي بالك إنك قبل ما
تحطيها تدهني الصينية بالزيت.
2- ضيفي صلصلة البيتزا فوق العجينة ورشي الثوم المفروم وضيفي الفلفل
الأخضر والطماطم والبصل والكرفس والزيتون الأسود وعيش الغراب ورشي الفلفل
الأسود وقطعي البيتزا على شكل مثلثات.
3- رشي الجبنة الموتزاريلا والزعتر من على السطح.
4- سخني الفرن على درجة حرارة "220 - 200 ْ مئوية" بعد كده دخلي صينية
البيتزا في الفرن لمدة 15 دقيقة وبعد ما تلاقي وشها احمرّ خرجيها، واوعي
تاكلي صوابعك وراها.
الرجوع الى أعلى الصفحة اذهب الى الأسفل
عاشق الاقصى
عضو مستجد
عضو مستجد


عدد المساهمات : 27
تاريخ التسجيل : 08/04/2009

مُساهمةموضوع: رد: اشهر انواع البيتزا وبالصور   السبت أبريل 11, 2009 9:58 am

بيتزا بالسجق
المقادير:

• عجينة بيتزا
• 1 حبة فلفل أخضر مقطعة مكعبات أو عيدان
• 2/1 كوب صلصة بيتزا أو معجون طماطم
• بصلة متوسطة الحجم مقطعة حلقات
• 2 فص ثوم مفروم
• 2/1كوب جبنة موتزاريلا مبشورة
• 2/1 ملعقة صغيرة فلفل أسود
• عرقان من الكرفس مقطعان قطعا صغيرة جدا
• سجق مقطع
• 2/1 كوب زيتون أسود أو أخضر مقطع شرائح
الطريقة:
1- قطعي عجينة البيتزا إلى قطع صغيرة مدورة وحطيها على رخامة المطبخ أو
على سطح خشبي مرشوش بالدقيق وابدئي في فردها لتغطي صاج أو صينية البيتزا
وبعد كده حطيها في الصينية اللي هتسويها فيها بس خدي بالك إنك قبل ما
تحطيها تدهني الصينية بالزيت.
2- ضيفي صلصلة البيتزا فوق العجينة ورشي الثوم المفروم وضيفي الفلفل
الأخضر والبصل والكرفس والزيتون الأسود والسجق ورشي الفلفل الأسود.
3- رشي الجبنة الموتزاريلا والزعتر على السطح وقطعي البيتزا على شكل مثلثات.
4- سخني الفرن على درجة حرارة "220 - 200 ْ مئوية" بعد كده دخلي صينية
البيتزا في الفرن لمدة 15 دقيقة وبعد ما تلاقي وشها احمرّ خرجيها واوعي
تاكلي صوابعك وراها.
يبتزا باللحمة المفرومة وعيش الغراب

المقادير:

• عجينة بيتزا
• ربع كيلو لحم مفرومة
• 1كوب عيش الغراب شرائح
• 1حبة فلفل أخضر،مقطعة قطعا صغيرة
• 1بصلة صغيرة مقطعة شرائح
• 1 فص ثوم مفروم
• 2ملعقة كبيرة معجون طماطم
• 2كوب جبنة موتزاريلا
• 2ملعقة كبيرة زيت ذرة
الطريقة:

1- قطعي البصل إلى شرائح وبعد كده سخني الزيت في طاسة كبيرة على نار هادية
وابدئي في إضافة اللحمة المفرومة مع التقليب المستمر علشان اللحمة ما
تلزقش منك لمدة عشرة دقائق بعد كده ضيفي عيش الغراب والبصل والثوم والفلفل
الأخضر وشوية ملح وفلفل وقلبيهم كلهم مع بعض وسيبيهم على النار حوالي 10
دقائق كمان.
2- قطعي عجينة البيتزا إلى قطع صغيرة مدورة وحطيها على رخامة المطبخ أو
على سطح خشبي مرشوش بالدقيق وابدئي في فردها لتغطي صاج أو صينية البيتزا
وبعد كده حطيها في الصينية اللي هتسويها فيها بس خدي بالك إنك قبل ما
تحطيها تدهني الصينية بالزيت.
3- ضيفي صلصلة البيتزا فوق العجينة وبعد كده رشي عليها خليط اللحمة
المفرومة اللي عملتيه عليها ورشي الجبنة الموتزاريلا على السطح البيتزا
وقطعي البيتزا على شكل مثلثات.
4- سخني الفرن على درجة حرارة "220 – 200 ْ مئوية" بعد كده دخلي الصينية
في الفرن لمدة 15 دقيقة وبعد ما تلاقي وشها احمرّ خرجيها واوعي تاكلي
صوابعك وراها.
بيتزا بالجمبري
المقادير:

• عجينة بيتزا
• نص كيلو جمبري متوسط مقشر.
• 4 ملاعق صلصة بيتزا أو معجون الطماطم
• 1فص ثوم مفروم ناعم
• 2/1حبة فلفل أخضر مقطع مكعبات صغيرة
• 2/1 حبة فلفل أحمر أو فلفل حار مقطع مكعبات صغيرة
• 1حبة طماطم مقطع مكعبات صغيرة
• 1 بصلة مقطعة شراح
• 1كوب جبنة موتزاريلا مبشورة
• 2/1كوب جبنة شيدر مبشورة
• 2ملعقة كبيرة زيت ذرة
• ملح وفلفل
• نص حزمة كرفس.
الطريقة:

1- هات الجمبري ونظفيه كويس واغسليه أكتر من مرة وبعد كده ضيفي إليه الثوم المدقوق مع الملح والفلفل.
2- سخني الزيت في طاسة على نار عالية وبعد كده ضيفي إليه الجمبري والثوم
مع التقليب لغاية ما لون الجمبري يتحول إلى اللون البرتقالي.
3- قطعي عجينة البيتزا إلى قطع صغيرة مدورة وحطيها على رخامة المطبخ أو
على سطح خشبي مرشوش بالدقيق وابدئي في فردها لتغطي صاج أو صينية البيتزا
وبعد كده حطيها في الصينية اللي هتسويها فيها بس خدي بالك قبل ما تحطيها
تدهني الصينية بالزيت.
4- تضاف صلصة البيتزا فوق العجينة ثم يضاف الجمبري ثم يضاف الفلفل الأحمر
والأخضر والطماطم والبصل وترش الجبنة الموتزاريلا والشيدر من على السطح
وتقطع البيتزا على شكل مثلثاث.
5- سخني الفرن على درجة حرارة "220 - 200 ْ مئوية" بعد كده دخلي صينية
البيتزا في الفرن لمدة 15 دقيقة وبعد ما تلاقي وشها احمرّ خرجيها واوعي
تاكلي صوابعك وراها.
وعلى فكرة طريقة عمل "بيتزا السي فوود" شبه طريقة عمل "بيتزا الجمبري" بس
كل الحكاية إنك هتضيفي إلى المقادير "كابوريا مقشرة" و"سبيط مسلوق"
بيتزا بالفراخ
المقادير:

• عجينة بيتزا
• 2/1 كوب صلصة بيتزا أو معجون طماطم
• 2/1 كوب ريحان أخضر الأوراق فقط "اختياري"
• 2/1كيلو صدور دجاج
• 2 ملعقة كبيرة زيت زيتون
• 2/1 كوب جبنة رومي مبشورة أو بارميزان
• 2/1 كوب جبنة موتزاريلا مبشورة
• 1 كوب عيش الغراب أو شرائح زيتون أخضر
• ملح وفلفل
• بصلة صغيرة مقطعة قطع صغيرة

الطريقة:

1- قطعي صدور الفراخ إلى قطع متوسطة الحجم وتبليها بالملح والفلفل والبصلة الصغيرة وسيبيها لمدة ساعة ونص وبعد كده شيليها من البصل.
2- سخني زيت الزيتون في طاسة على نار متوسطة وبعد كده ضيفي إليها الفراخ
مع التقليب لغاية ما تحسي إن الفراخ بدأت تستوي اطفي البوتاجاز.
3- قطعي عجينة البيتزا إلى قطع صغيرة مدورة وحطيها على رخامة المطبخ أو
على سطح خشبي مرشوش بالدقيق وابدئي في فردها لتغطي صاج أو صينية البيتزا،
وبعد كده حطيها في الصينية اللي هتسويها فيها بس خدي بالك إنك قبل ما
تحطيها تدهني الصينية بالزيت.
4- رشي صلصة البيتزا على العجينة وضيفي إليها قطع الدجاج وبعد كده رشي
عليها عيش الغراب أو الزيتون ونصف كمية أوراق الريحان. واخلطي الجبن
الموتزاريلا والجبن البارميزان وبعد كده رشيهم على سطح البيتزا وقطعي
البيتزا على شكل مثلثات.
5- سخني الفرن على درجة حرارة "220 - 200 ْ مئوية" بعد كده دخلي صينية
البيتزا في الفرن لمدة 15 دقيقة وبعد ما تلاقي وشها احمرّ خرجيها واوعي
تاكلي صوابعك وراها.
وبكده نكون خرجنا من المطبخ وعملنا أكتر من صنف من أصناف البيتزا الشهية اللي بنحبها...

بس اوعوا تنسوا بعد ما تقرأوا العدد تبعتوا وتقولولنا على رأيكم...

وبعد كده تدخلوا على طووول على المطبخ علشان تجربوا الأنواع دي..

منقوووول
الرجوع الى أعلى الصفحة اذهب الى الأسفل
maisa
مشرفة منتدى التغذية وعلوم الاطعمة
مشرفة منتدى التغذية وعلوم الاطعمة


انثى الابراج : الحمل الثعبان
عدد المساهمات : 1084
تاريخ الميلاد : 14/04/1989
تاريخ التسجيل : 24/01/2009
العمر : 27

مُساهمةموضوع: رد: اشهر انواع البيتزا وبالصور   السبت أبريل 11, 2009 10:18 am

موضوع متميز
زى متعودنا منك
شكرا على مجهودك
بس الحمد لله انك عملت
الموضوع ده قبل يوم الاحد
عشان احنا ورانا عجائن ومخبوزات الاحد
الرجوع الى أعلى الصفحة اذهب الى الأسفل
عاشق الاقصى
عضو مستجد
عضو مستجد


عدد المساهمات : 27
تاريخ التسجيل : 08/04/2009

مُساهمةموضوع: رد: اشهر انواع البيتزا وبالصور   السبت أبريل 11, 2009 10:32 am

طب الحمد لله

اعرفوا بقى الجمايل دى
الرجوع الى أعلى الصفحة اذهب الى الأسفل
mona
عضو فعال
عضو  فعال


انثى الابراج : السرطان الثعبان
عدد المساهمات : 444
تاريخ الميلاد : 01/07/1989
تاريخ التسجيل : 19/02/2009
العمر : 27

مُساهمةموضوع: رد: اشهر انواع البيتزا وبالصور   السبت أبريل 11, 2009 9:11 pm

شكرا على المجهود
الرجوع الى أعلى الصفحة اذهب الى الأسفل
gege
عضو ذهبى
عضو ذهبى


انثى الابراج : القوس التِنِّين
عدد المساهمات : 2007
تاريخ الميلاد : 03/12/1988
تاريخ التسجيل : 07/02/2009
العمر : 28

مُساهمةموضوع: رد: اشهر انواع البيتزا وبالصور   السبت أبريل 11, 2009 10:27 pm

شكرا على مجهودك
الرجوع الى أعلى الصفحة اذهب الى الأسفل
نريد شمسا
عضو مميز
عضو مميز


انثى الابراج : الدلو الحصان
عدد المساهمات : 631
تاريخ الميلاد : 02/02/1990
تاريخ التسجيل : 01/02/2009
العمر : 26

مُساهمةموضوع: رد: اشهر انواع البيتزا وبالصور   السبت أبريل 11, 2009 11:13 pm

شكرا ليك
الرجوع الى أعلى الصفحة اذهب الى الأسفل
sama
عضو ذهبى
عضو ذهبى


انثى الابراج : العذراء الماعز
عدد المساهمات : 1601
تاريخ الميلاد : 08/09/1991
تاريخ التسجيل : 28/01/2009
العمر : 25

مُساهمةموضوع: رد: اشهر انواع البيتزا وبالصور   الإثنين أبريل 13, 2009 12:11 pm

شكراااااااا ليك

بس يارب تطلع حلوة بقى
الرجوع الى أعلى الصفحة اذهب الى الأسفل
مشتاقه للجنة
عضو فعال
عضو  فعال


انثى الابراج : الحمل الثور
عدد المساهمات : 404
تاريخ الميلاد : 21/03/1985
تاريخ التسجيل : 26/12/2009
العمر : 31

مُساهمةموضوع: رد: اشهر انواع البيتزا وبالصور   الأحد فبراير 28, 2010 12:07 am

مرسي علي موضوعك
الرجوع الى أعلى الصفحة اذهب الى الأسفل
http://allahalrhman.blogspot.com/2009/02/blog-post.html
 
اشهر انواع البيتزا وبالصور
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات كلية الاقتصاد المنزلي :: قسم التغذية وعلوم الاطعمة :: قسم التغذية وعلوم الاطعمة :: قسم المطبخ-
انتقل الى: